Би та бүхэнд дижитал маркетинг хэрхэн суралцаж байгаа талаарх өөрийн бяцхан аялалаа танилцуулхаас гадна, энэ хуудсаараа дамжуулан бидний Германд ирээд найман жилийн хугацаанд олж авсан туршлага, мэдлэгээ контент хэлбэрээр хуваалцахаар төлөвлөж байна.

Би болон миний нөхөр анхны хүүхдийн хамтаар 2016 онд Германд цагаачилж ирсэн. Хоёр дахь хүүгээ төрүүлсэний дараа сувилагч болохоор 3 жилийн хөтөлбөрт хамрагдсан. Сургуулиа төгсөхдөө дөрвөн сартай жирэмсэн төгссөн.

Одоо бид 11 болон 8 настай хоёр хүү ,22 сартай охины ээж аав. Анх Германд ирээд нийгмийн хүрээнд тулгардаг олон зүйл дээр мухарддаг байж. Бидний хүүхдүүд цэцэрлэгийн, бага сургуулийн, дунд сургуулийн насных, энэ хугацаанд цэцэрлэг, сургууль боловсролын тогтолцоо хийгээд чамгүй олон зүйлсийг үрсүүдтэйгээ хамт туулж мөн хамт суралцаж явна.

Тэгэхээр миний хэлэх гээд байгаа санаа бид бүхий л нийгмийн хүрээний асуудлуудад хангалттай та бүхэнтэй хуваалцах, магадгүй таньд хэрэг болох туршлага хэдийнээ хуримтлуулжээ.

Германд гэр бүлээрээ оршин суухаар төлөвлөж байгаа болон энд ирээд удаагүй байгаа та нартаа өөрсдийн туршлагаа хуваалцах гэж байгаадаа баяртай байна.